ஆடுகளம் ரிவர்ஸ் ஸ்விங்குக்கு கைகொடுக்க வாய்ப்பு - அகமதாபாத் டெஸ்ட் போட்டியில் களமிறங்குகிறார் மொகமது ஷமி

புதுடெல்லி: இந்திய கிரிக்கெட் அணியின் சீனியர் வேகப்பந்து வீச்சாளரான மொகமது ஷமி, ஆஸ்திரேலியாவுக்கு எதிராக அகமதாபாத்தில் வரும் 9-ம் தேதி தொடங்க உள்ள 4-வது டெஸ்ட் கிரிக்கெட் போட்டியில் விளையாடும் லெவனில் இடம் பெறுவார் என எதிர்பார்க்கப்படுகிறது.

இந்திய அணி நிர்வாகம், பிசிசிஐ-யின் மருத்துவ ஊழியர்களுடன் கலந்தாலோசித்து, ஐபிஎல் தொடர் மற்றும் ஒருநாள் கிரிக்கெட் உலகக் கோப்பை திட்டத்தின் ஒருபகுதியாக இருக்கும் வேகப்பந்து வீச்சாளர்களுக்கு போதுமான ஓய்வு வழங்க முடிவு செய்துள்ளது. இதன் ஒரு கட்டமாகவே இந்தூரில் நடைபெற்ற ஆஸ்திரேலியாவுக்கு எதிரான 3-வது டெஸ்ட் போட்டியில் மொகமது ஷமிக்கு ஓய்வு கொடுக்கப்பட்டிருந்தது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்