ஆஸ்திரேலிய ஓபனில் கவனம் ஈர்த்த தமிழகத்தின் ஜீவன், பாலாஜி ஜோடி

ஆஸ்திரேலிய ஓபன் டென்னிஸ் தொடரில் தமிழகத்தை சேர்ந்த ஜீவன் நெடுஞ்செழியன், ஸ்ரீராம் பாலாஜி ஜோடி போட்டித் தரவரிசையில் 5-வது இடத்தில் உள்ள குரோஷியாவின் இவான் டுடிக், அமெரிக்காவின் ஆஸ்டின் கிரஜிசெக் ஜோடியை வீழ்த்தி அனைவரது கவனத்தையும் ஈர்த்தது.

ஆண்டின் முதல் கிராண்ட் ஸ்லாம் போட்டியான ஆஸ்திரேலியன் ஓபன் டென்னிஸ் மெல்பர்ன் நகரில் நடைபெற்று வருகிறது. உலகில் உள்ள முன்னணி வீரர், வீராங்கனைகள் இந்தத் தொடரில் கலந்துகொண்டு விளையாடி வருகின்றனர். இதேபோன்று இரட்டையர், கலப்பு இரட்டையர்கள் பிரிவிலும் முன்னணி ஜோடிகள் பங்கேற்றுள்ளன.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்