T20 WC | சாம்பியன் பட்டம் வென்ற இங்கிலாந்து கிரிக்கெட் அணியை வாழ்த்திய ஹேரி கேன்

நடப்பு டி20 உலகக் கோப்பை தொடரில் சாம்பியன் பட்டம் வென்றுள்ளது இங்கிலாந்து கிரிக்கெட் அணி. உலகக் கோப்பையை வென்ற தனது நாட்டு கிரிக்கெட் அணிக்கு அந்த நாட்டின் கால்பந்து அணி கேப்டன் ஹேரி கேன் வாழ்த்து தெரிவித்துள்ளார். வெகு விரைவில் கத்தார் நாட்டில் கால்பந்து உலகக் கோப்பை தொடர் நடைபெற உள்ளது. இதில் இங்கிலாந்து அணி பங்குபெற உள்ளது குறிப்பிடத்தக்கது.

“வாழ்த்துகள்!!! அபார செயல்திறனை வெளிப்படுத்தினீர்கள். நாட்டிற்கு பெருமை சேர்த்துள்ளீர்கள்” என ஹேரி கேன் தெரிவித்துள்ளார். முன்னதாக, ‘நாங்கள் பட்டம் வென்றால் அது ஃபிஃபா உலகக் கோப்பையில் இங்கிலாந்து கால்பந்து அணிக்கு உத்வேகம் அளிக்கும்’ என்றார் ஜோஸ் பட்லர். அவர் சொன்னது போலவே இப்போது இங்கிலாந்து கிரிக்கெட் அணி கோப்பையை வென்றுள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்