இங்கிலாந்து டெஸ்ட் கிரிக்கெட் அணியின் தலைமை பயிற்சியாளராக மெக்கல்லம் நியமனம்

லண்டன்: இங்கிலாந்து டெஸ்ட் கிரிக்கெட் ஆடவர் அணியின் தலைமை பயிற்சியாளராக முன்னாள் நியூசிலாந்து வீரர் பிரெண்டன் மெக்கல்லம் நியமிக்கப்பட்டுள்ளார். இதனை இங்கிலாந்து மற்றும் வேல்ஸ் கிரிக்கெட் வாரியம் தெரிவித்துள்ளது.

40 வயதான மெக்கல்லம், நியூசிலாந்து அணிக்காக 101 டெஸ்ட், 260 ஒருநாள் மற்றும் 71 டி20 போட்டிகளில் விளையாடி உள்ளார். டெஸ்ட் கிரிக்கெட்டில் மட்டும் 6,453 ரன்கள் சேர்த்துள்ளார். அவர் நியூசிலாந்து அணியை கேப்டனாகவும் முன்னின்று வழிநடத்தி உள்ளார். சர்வதேச கிரிக்கெட்டில் ஓய்வு பெற்ற பிறகு பயிற்சியாளர் பணியை கவனிக்க தொடங்கினார். டி20 கிரிக்கெட் லீக் பயிற்சியாளராக செயல்பட்டு வருகிறார். நடப்பு ஐபிஎல் சீசனில் கொல்கத்தா நைட் ரைடர்ஸ் அணியின் பயிற்சியாளர் அவர் தான்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்