இறுதி ஓவர்களில் சிறப்பாக பந்து வீசியது எப்படி? - லக்னோ அணியின் அவேஷ் கான் உற்சாகம்

ஐபிஎல் டி 20 கிரிக்கெட் தொடரில் நேற்று முன்தினம் சன் ரைசர்ஸ் ஹைதரபாத் அணிக்கு எதிரான ஆட்டத்தில் லக்னோ சூப்பர் ஜெயண்ட்ஸ் 12 ரன்கள் வித்தியாசத்தில் வெற்றி பெற்றது. முதலில் பேட் செய்த லக்னோ, 7 விக்கெட்கள் இழப்புக்கு 169 ரன்கள் குவித்தது. ஒரு கட்டத்தில் அந்த அணி 27 ரன்களுக்கு 3 விக்கெட்களை இழந்து தவித்த நிலையில் கேப்டன் கே.எல்.ராகுல் 68 ரன்களும், தீபக் ஹூடா 51 ரன்களும் விளாசி வலுவான ஸ்கோரை குவிக்க உதவினர்.

170 ரன்கள் இலக்கை துரத்திய ஹைதராபாத் அணியால் 9 விக்கெட்கள் இழப்புக்கு 157 ரன்கள் மட்டுமே எடுக்க முடிந்தது. அந்த அணிக்கு கடைசி 3 ஓவர்களில் 33 ரன்கள் தேவையாக இருந்தது. கைவசம் 6 விக்கெட்கள் இருந்த நிலையில் ஹைதராபாத் எளிதாக வெற்றி பெறும் என்றே கூறப்பட்டது. ஆனால்18-வது ஓவரை வீசிய அவேஷ் கான் அடுத்தடுத்த பந்துகளில் நிக்கோலஸ் பூரன் (34), அப்துல் சமத் (0) ஆகியோரை ஆட்டமிழக்கச் செய்ததுடன் 7 ரன்கள் மட்டுமே வழங்கி போட்டியை லக்னோ அணியின் கட்டுப்பாட்டுக்குள் கொண்டுவந்தார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்